Maxfiylik siyosati

Oxirgi yangilanish: 2026-yil 10-oktabr

Ushbu siyosat Johny Top platformasi (top.johny.uz sayti, mobil ilovalar va Telegram mini-ilovasi) foydalanuvchilarining shaxsiy ma’lumotlari qanday qayta ishlanishini tushuntiradi. Platformadan foydalanib, siz ushbu siyosatga rozilik bildirasiz.

1. Qanday ma’lumotlarni olamiz

Siz bergan ma’lumotlar: ism, telefon raqami, email, e’lonlaringiz (matn, rasm, narx, joylashuv).
Avtomatik olinadigan ma’lumotlar: qurilma va brauzer turi, IP manzil, platformadan foydalanish haqidagi umumiy ma’lumotlar (qaysi sahifalar ochilgani, qidiruvlar).
Ixtiyoriy javoblar: masalan, «Bizni qayerdan topdingiz?» savoliga javob.

2. Ma’lumotlar nima uchun kerak

Platformaning ishlashi: hisob, e’lon joylash, xaridor va sotuvchini bog‘lash.
Xizmatni yaxshilash: qaysi bo‘limlar qulay yoki noqulayligini tushunish, xatolarni tuzatish.
Sizga mos e’lonlarni ko‘rsatish.
Reklamalarimiz samaradorligini o‘lchash.
Firibgarlikdan himoya va xavfsizlik.
Qonunda nazarda tutilgan hollarda vakolatli organlarga javob berish.

3. Ma’lumotlarni kimga beramiz

Biz shaxsiy ma’lumotlaringizni sotmaymiz va ijaraga bermaymiz.

Platforma ishlashi uchun ishonchli xizmat ko‘rsatuvchi hamkorlardan foydalanamiz: server va bildirishnoma xizmatlari, statistika (analitika) va reklama xizmatlari. Ular ma’lumotlarni faqat bizga xizmat ko‘rsatish uchun oladi va o‘z maxfiylik qoidalariga amal qiladi. Ayrim hamkorlar ma’lumotlarni O‘zbekistondan tashqaridagi serverlarda qayta ishlashi mumkin.

Statistika va reklama uchun asosan umumlashtirilgan yoki shaxsni bevosita ko‘rsatmaydigan ma’lumotlar ishlatiladi.

Sayt cookie fayllaridan foydalanadi: ba’zilari sayt ishlashi uchun zarur (masalan, tizimda qolishingiz uchun), boshqalari statistika va reklama uchun. Ularni sayt pastidagi banner orqali yoki brauzer sozlamalarida boshqarishingiz mumkin. Mobil ilovada reklama kuzatuvini telefon sozlamalarida cheklash mumkin.

5. Ma’lumotlar qancha saqlanadi

Ma’lumotlar ular kerak bo‘lgan muddatda yoki qonunda belgilangan muddatgacha saqlanadi. Hisobingiz o‘chirilsa, shaxsiy ma’lumotlaringiz o‘chiriladi yoki shaxsni aniqlab bo‘lmaydigan holga keltiriladi.

6. Sizning huquqlaringiz

Ma’lumotlaringizni ko‘rish va tahrirlash.
Hisobingizni ilovada o‘chirish yoki ma’lumotlarni o‘chirishni so‘rash.
Reklama xabarlaridan voz kechish.
Statistika va reklama cookie fayllariga roziligingizni qaytarib olish.

7. Himoya va o‘zgarishlar

Ma’lumotlar O‘zbekiston Respublikasining «Shaxsga doir ma’lumotlar to‘g‘risida»gi qonuniga muvofiq qayta ishlanadi va texnik hamda tashkiliy choralar bilan himoya qilinadi. Siyosat o‘zgarsa, yangi matn shu sahifada yangi sana bilan e’lon qilinadi.